ჟურნალისტი ნატო ონიანი სოციალურ ქსელში პოსტს აქვეყნებს.
“უბედურება მოხდა, ახალგაზრდა, ლამაზი გოგო წავიდა ამ ქვეყნიდან. საბრალო ოჯახი… წარმომიდგენია, მეგობრები დ კოლეგები რა დღეში არიან… სამაგიეროდ, ეფექტურად იყენებენ ამ ტრაგედიას ბანაკებად დაყოფილი „ისტები“.
ვაქცინაციასთან დაკავშირებით არასდროს არავისთვის არაფერი მომიწოდებია. პროფესიონალების გარდა, არც არავის შევეკითხები, ავიცრა თუ არა… მაგრამ ამ გაუთავებელი კამათის შემყურეს, კიდევ უფრო გამიმტკიცდა აზრი, რომ დილეტანტიზმი დმღუპველია და ვირუსზე სწრაფად ვრცელდება. ადამიანები წლების მანძილზე სწავლობენ რაიმე პროფესიას, მერე მუშაობენ, გამოცდილებას იძენენ და ძალიან ხშირად, რაღაც არ იციან და შეცდომებსაც უშვებენ. საერთოდ პროფესიასთან შეხება რომ არ გაქვს და დილეტანტის დონეზე აძლევ საკუთარ თავს უფლებას, „სიბრძნეები“ აფრქვიო, საზოგადოებას თითი უქნიო და ჭკუა ასწავლო, ხარ ვერშემდგარი, დაკომპლექსებული ადამიანი, უმეტესად, საკუთარ პროფესიაშიც რომ არ მოგეკითხება გონი.. გუგლიდან კოპი-პეისტით მიღებული „განათლება“ საკმარისი რომ იყოს, მსოფლიოს საუკეთესო უნივერსიტეტები დიდი ხნის გაუქმებული იქნებოდა”