” ბედნიერი და ამაყი ვარ, რომ კვლავ ვიმუშავებ ნინო გიორგობიანთან – უმაგრეს პროფესიონალთან და საუკეთესო ადამიანთან”

მთავრობის სტრატეგიული კომუნიკაციების დეპარტამენტის ხელმძღვანელის მოადგილედ, ვიქტორია კლიმიჩევა დაინიშნა. ამის შესახებ სოციალურ ქსელში თავად წერს.
“მეგობრებო, დავინიშნე მთავრობის ადმინისტრაციის სტრატეგიული კომუნიკაციების დეპარტამენტის უფროსის მოადგილედ. ბედნიერი და ამაყი ვარ რომ კვლავ ვიმუშავებ ნინო გიორგობიანთან – უმაგრეს პროფესიონალთან და საუკეთესო ადამიანთან.
არ შემიძლია არ დავწერო იმ უწყებების შესახებ, სადაც წლების განმავლობაში ვიმუშავე. მეამაყება ყოველი დღე, რომელიც გავატარე გმირი პოლიციელების და სახელმწიფო უსაფრთხოების სამსახურის თანამშრომლების გვერდით, მუდამ ვიქნები მათი გულშემატკივარი და მხარდამჭერი.
განსაკუთრებული მადლობა მინდა გადავუხადო შინაგან საქმეთა მინისტრს, ბატონ ვახტანგ გომელაურს, იშვიათი ღირსების მქონე, პროფესიონალს, პატრიოტს და ძალიან კარგ ადამიანს. მისი ხელმძღვანელობის პირობებში მუშაობა შსს-ში და სუს-ში დიდი პატივი იყო. მინდა წარმატებები ვუსურვო მას, უწყების ხელმძღვანელობას და თითოეულ რიგით თანამშრომელს.
მადლობა მინდა გადავუხადო დაცვის პოლიციის დეპარტამენტის თავმჯდომარეს, გიორგი ბაგრატიონს თანამშრომლობისთვის და მეგობრობისთვის. მინდა მას წარმატებები და კიდევ მრავალი სასიკეთო პროექტის განხორციელება ვუსურვო.
აქვე მედიის წარმომადგენლებს შევახსენებ ჩემს საკონტაქტო ინფორმაციას: 593500741. ნებისმიერ დროს მზად ვარ თანამშრომლობისთვის.”-წერს კლიმიჩევა.