დიალოგს არ აქვს ალტერნატივა, დიალოგი არის ერთადერთი გამოსავალი ამ კრიზისიდან და მე და ჩემი კოლეგები ყველა ერთად მოვუწოდებდით ოპოზიციას, რომ იქნებ კომპრომისულ ვარიანტზე ჩამოყალიბდნენ, მოიფიქრონ როგორ აპირებენ გაგრძელებას, – ამის შესახებ ირაკლი ზარქუამ განაცხადა. საპარლამენტო უმრავლესობის წევრმა გუშინ აშშ-ის სენატში გამართული მოსმენაც შეაფასა.
„მნიშვნელოვანი იყო იმის ხაზგასმა სენატორებისგან, რომ საქართველოში პარლამენტს გარეთ არსებული ქაოსი, დესტაბილიზაცია და რევოლუციური სცენარი მხოლოდ რუსეთის ინტერესებშია. ეს მართლაც იყო ხაზგასმული და ჩემი აზრით, ამით არა მხოლოდ ყური აუწიეს ოპოზიციას, არამედ გაულაწუნეს და ყურები დაახიეს კიდეც“, – განაცხადა ზარქუამ.
კომენტარები