თენგიზ ცერცვაძემ საქართველოში კორონავირუსის საწინააღმდეგო ვაქცინაციის დაბალი აქტივობის მიზეზები დაასახელა. თბილისის ინფექციური საავადმყოფოს დირექტორის თქმით, ამას რამდენიმე ფაქტორი განაპირობებს: ანტივაქსერული მოძრაობა, ვაქცინაციის მხარდამჭერი არასაკმარისად აქტიური კამპანია და ახალციხეში აცრის შემდეგ ექთნის გარდაცვალება. ცერცვაძე მიიჩნევს, რომ ამ ტრაგიკული შემთხვევის მიუხედავად, მოსახლეობამ ვაქცინაციაზე უარი არ უნდა თქვას.
„ამერიკაში, ამხელა ქვეყანაში ყოველ წელიწადს პენიცილინისა და მისი მონათესავე მედიკამენტებისგან 500 კაცი კვდება ანაფილაქსიური რეაქციით. ამერიკაში, ყოველწლიურად 500 კაცი კვდება პენიცილინით, მაგრამ არავის უთქვამს უარი პენიცილინზე. მაგრამ რადგან ჩვენთან ეს შემთხვევა მაინცდამაინც პირველ დღეებში მოხდა, ბუნებრივია, რომ ადამიანებში სკეპტიციზმმა დაისადგურა“, – განაცხადა ცერცვაძემ.