საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორმა, მამუკა ჭელიძემ, გამოსამშვიდობებელი შეხვედრა გამართა აშშ-ის გამოძიების ფედერალური ბიუროს სამართლებრივ საკითხებში ატაშესთან – დიეპ შუმეიქერთან, რომელიც მიმდინარე წლის აპრილის თვეში ასრულებს საქართველოში სამწლიან მოღვაწეობას.
შეხვედრაზე ხაზი გაესვა ცენტრალური კრიმინალური პოლიციის დეპარტამენტსა და აშშ-ის გამოძიების ფედერალურ ბიუროს შორის არსებულ მჭიდრო და ეფექტიან თანამშრომლობას. საუბარი ასევე შეეხო წარმატებულ ერთობლივ გამოძიებებსა და ღონისძიებებს.
მამუკა ჭელიძემ სტუმარს მადლობა გადაუხადა ქართველი და ამერიკელი სამართალდამცველების თანამშრომლობის განვითარებაში შეტანილი წვლილისათვის და სამომავლო საქმიანობაში წარმატებები უსურვა.
კომენტარები