ვაქცინების მრავალფეროვნება ქვეყანაში ხელს შეუწყობს ვაქცინაციის კიდევ უფრო მეტად გაფართოებას, რადგან პანდემიის და ჩვენს ქვეყანაში ეპიდემიის დამარცხების გზა გადის მხოლოდ და მხოლოდ ვაქცინაციაზე – ამის შესახებ ამირან გამყრელიძემ ჯანდაცვის სამინისტროში გამართულ ბრიფინგზე განაცხადა. დაავადებათა კონტროლის ცენტრის დირექტორის თქმით, ამის მაგალითი ის ქვეყნებია, სადაც აქტიური ვაქცინაციის შედეგად სიკვდილიანობისადა მძიმე შემთხვევების რაოდენობამ იკლო.
„დღევანდელი ინფორმაცია ნახა ალბათ პრესამ, რომ ბრიტანეთში სიკვდილიანობა მინიმუმამდე დავიდა იმის გამო, რომ ვაქცინაცია ფართოდ მიმდინარეობს. ერთი დოზით უკვე აცრილია მოსახლეობის თითქმის 50%. ამიტომ, ჩვენც გვეძლევა საშუალება Sinopharm-ის ვაქცინის 100 ათასი დოზის მიღებით რომ პროცესი კიდევ უფრო გაფართოვდეს ქვეყანაში, მასობრივი ვაქცინაცია დაიწყოს რაც შეიძლება მალე და, შესაბამისად, ეპიდვითარება, რომელიც ბოლო 20 დღის განმავლობაში უარესდება, ისევე როგორ ევროპის მთელ რიგ ქვეყანაში, როგორმე შევაჩეროთ და შევაკავოთ.