განათლების სამინისტროს, ბიზნესსექტორისა და ადგილობრივი მუნიციპალიტეტის თანამშრომლობის ფარგლებში ქალაქ ხონში თანამედროვე სტანდარტების სასწავლო ცენტრი გაიხსნება.
პროექტის მიზანია, კერძო სექტორთან პარტნიორობით თანამედროვე პროფესიული განათლების შეთავაზება რეგიონის მოსახლეობისთვის მათი დასაქმების ხელშესაწყობად.
სასწავლებელი ფუნქციონირებას 2022 სასწავლო წლიდან დაიწყებს და რეგიონის საჭიროებებიდან გამომდინარე, სტუდენტებს ძირითადად სამშენებლო, ინჟინერიისა და სოფლის მეურნეობის მიმართულებებით პროფესიულ პროგრამებს შესთავაზებს.
სარეაბილიტაციო სამუშაოები განათლებისა და მეცნიერების მინისტრის მოადგილემ თამარ ქიტიაშვილმა, დამსაქმებელთა ასოციაციის პრეზიდენტთან და ხონის მერთან ერთად დაათვალიერა.
კომენტარები