ფოთის მეტალურგიულ ქარხანაში დაშავებული 2 მუშა ქუთაისის კლინიკა “უნიქალ მედიში” მოათავსეს. ისინი გუშინ ღამით სამუშაო პროცესის დროს დაშავდნენ, რის შემდეგაც სასწრაფო დახმარების ბრიგადამ სენაკის ერთ-ერთ კლინიკაში გადაიყვანა. მოგვიანებით, მდგომარეობის სიმძიმის გამო, დაშავებულები ქუთაისის კლინიკა “უნიქალ მედიში” გადაიყვანეს.
“ერთ-ერთი დაშავებულის ჯანმრთელობის მდგომარეობა მძიმეა, იმყოფება მართვით სუნთქვაზე და რეანიმაციულ განყოფილებაში აგრძელებს მკურნალობას. მას ჩაუტარდა ყველა საჭირო კვლევა. მეორე დაშავებულის ჯანმრთელობის მდგომარეობა კი სტაბილურია და ის კლინიკიდან სავარაუდოდ, დღეს გაეწერება,”– განაცხადა კლინიკის გენერალურმა დირექტორმა შოთა მარუაშვილმა.
კომენტარები