ერგნეთში შეხვედრის დასრულების შემდეგ სუს-ის ანალიტიკური დეპარტამენტის დირექტორის მოადგილე ირაკლი ანთაძე სოფელ ქვემო ჭალაში ჩავიდა, სადაც ზაზა გახელაძის ოჯახს შეხვდა და მათ მოლაპარაკებების შედეგები გააცნო.
გახელაძის დაკავებიდან 290 დღე გავიდა და 9-თვიანი უშედეგო ლოდინის შემდეგ ოჯახი ამბობს, რომ ბრძოლის გაგრძელებას გეგმავენ. ისინი საქართველოს პრეზიდენტთან, პრემიერთან, პარლამენტის თავმჯდომარესთან, საერთაშორისო ორგანიზაციებთან შეხვედრებს გეგმავენ და კიდევ ერთხელ სთხოვენ დახმარებას უკანონო პატიმრობაში მყოფი საქართველოს მოქალაქის გათავისუფლებაში. იმ შემთხვევაში თუ უახლოეს პერიოდში შედეგი არ იქნება ზაზა გახელაძის ოჯახის წევრები არც საპროტესტო აქციებს არ გამორიცხავენ.
სოფელ ერგნეთში, დღეს, ინციდენტების პრევენციისა და მათზე რეაგირების მექანიზმის 99-ე შეხვედრა გაიმართა.