ლეგენდარული ქართველი მსახიობის, კახი კავსაძის ოჯახს ხელისუფლების წარმომადგენლებმა მიუსამძიმრეს. შოთა რუსთაველის სახელობის თეატრში სამოქალქო პანაშვიდზე პრემიერ-მინისტრი ირაკლი ღარიბაშვილი, თბილისის მერი კახა კალაძე, პარლამენტის თავმჯდომარე კახა კუჭავა, მინისტრთა კაბინეტის წევრები და დეპუტატები მივიდნენ.
მსახიობ კახი კავსაძეს დღეს დაკრძალავენ.
14:00 საათზე მსახიობს რუსთაველის ეროვნული თეატრიდან გამოასვენებენ და ოჯახის გადაწყვეტილებით, საბურთალოს სასაფლაოზე მეუღლის, ბელა მირიანაშვილის გვერდით დაკრძალავენ.
დედაქალაქის მერიაში აცხადებენ, რომ დაკრძალვასთან დაკავშირებულ ხარჯებს სახელმწიფო გაიღებს.
ქართული კინოსა და თეატრის მსახიობი კახი კავსაძე 85 წლის ასაკში, 27 აპრილს გარდაიცვალა.
კომენტარები