“9 წლის განმავლობაში 7-ჯერ წაგებული არჩევნებია ზე მტკიცებულება, რომ “ნაცმოძრაობის“ კანდიდატი მარცხის ფორმულაა”

9 წლის განმავლობაში 7-ჯერ წაგებული არჩევნები არის ამის ზე მტკიცებულება, – ამის შესახებ „სტრატეგია აღმაშენებლის“ ლიდერმა გიორგი ვაშაძემ თვითმმართველობის არჩევნებში „ნაციონალური მოძრაობის“ კანდიდატებზე საუბრისას განაცხადა.

მისი თქმით, თუ თვითმმართველობის არჩევნებისთვის ოპოზიციის კარგი გუნდი ჩამოყალიბდა, იგი მზადაა, ამბიციები გვერდზე გადადოს და მესამე ცენტრს შტაბის უფროსად დაუდგეს.

კითხვაზე, რით ასაბუთებს, რომ „ნაციონალური მოძრაობის“ კანდიდატი მარცხის ფორმულაა, ვაშაძემ განაცხადა: „9 წლის განმავლობაში 7-ჯერ წაგებული არჩევნები არის ამის ზე მტკიცებულება და ახლა თუ ვინმეს სხვა არჩევნები უნახავს, თქვას“, – დასძინა ვაშაძემ.

თვითმმართველობის არჩევნებამდე ექვსი თვე დარჩა. პოლიტიკური პარტიები კი მერობის კანდიდატების დასახელებას არ ჩქარობენ.