ისრაელის პრემიერ-მინისტრმა, ბენიამინ ნეთაჰიაჰუმ აშშ-ის პრეზიდენტს, ჯო ბაიდენს განუცხადა, რომ ისრაელი ღაზის სექტორში ოპერაციას გააგრძელებს.
„მე ვაფასებ აშშ-ის პრეზიდენტის, ჯო ბაიდენის მხარდაჭერას ისრაელის სახელმწიფოს უფლებისადმი დაიცვას საკუთარი თავი. გადაწყვეტილი მაქვს, რომ ამ ოპერაციას მანამ გავაგრძელებ, სანამ ოპერაციის მიზანს, მშვიდობისა და უსაფრთხოების აღდგენას, არ მივაღწევთ“, – განაცხადა ისრაელის პრემიერ-მინისტრმა.
დღეს ჯო ბაიდენმა ბენიამინ ნეთანიაჰუსთან სატელეფონო საუბარი გამართა. აშშ-ის პრეზიდენტმა ისრაელის პრემიერ-მინისტრს განუცხადა, რომ დღეს ცეცხლის შეწყვეტის გზაზე მნიშვნელოვან დეესკალაციას ელოდება.
მანამდე ბენიამინ ნეთანიაჰუმ განაცხადა, რომ ღაზის სექტორში მიმდინარე ოპერაცია მანამ გაგრძელდება, სანამ ისრაელი სამხედრო მიზნებს არ მიაღწევს.
ბენიამინ ნეთანიაჰუს თქმით, ისრაელს ღაზაში ანტიტერორისტული ოპერაციის დასრულების ვადები განსაზღვრული არ აქვს.