ისრაელსა და რადიკალურ ტერორისტულ დაჯგუფება “ჰამასს” შორის ცეცხლის შეწყვეტის შესახებ შეთანხმება ძალაში შევიდა. ცეცხლი ადგილობრივი დროით 02:00 საათზე ორმხრივად შეწყდა, რითიც 11-დღიანი სარაკეტო თავდასხმების სერია დასრულდა.
ზავის დაწყებიდან მალევე პალესტინელები ღაზას ქუჩებში გავიდნენ. კონფლიქტში გამარჯვებას ორივე მხარე აღნიშნავს.
აშშ-ს პრეზიდენტმა ჯო ბაიდენმა განაცხადა, რომ ცეცხლის შეწყვეტამ პროგრესისთვის “ნამდვილი შესაძლებლობა” შექმნა.
ბოლო მონაცემებით, ღაზას სექტროში 232 ადამიანი დაიღუპა, მათ შორის 65 ბავშვი, ხოლო ისრაელში მინიმუმ 12 ადამიანი, მათ შორის 2 ბავშვი.
შეგახსენებთ, ისრაელსა და პალესტინელებს შორის თავდასხმები 10 მაისს, მას შემდეგ დაიწყო, რაც ღაზას სექტორიდან იერუსალიმის მიმართულებით სარაკეტო თავდასხმა განახორციელეს, საპასუხოდ კი ისრაელმა ღაზას სექტორში “ჰამასის” ობიექტებზე იერიში მიიტანა.