აშშ-ის პრეზიდენტის ბარაქ ობამას შეფასებით, რუსეთმა საქართველოში გაყინული კონფლიქტი შექმნა, – ამის შესახებ ობამამ იტალიის პრემიერ-მინისტრ მატეო რენცისთან გამართულ ერთობლივ პრესკონფერენციაზე განაცხადა, რა დროსაც ჟურნალისტმა ჰკითხა მას, რამდენად ეთანხმება დონალდ ტრამპის მტკიცებას, რომ აშშ რუსეთის პრეზიდენტს საკმარისად არ სცემს პატივს.
„როდესაც პრეზიდენტი გავხდი, რუსეთი, წინა ადმინისტრაციის დროს, უკვე იყო შეჭრილი საქართველოს ტერიტორიაზე და იქ გაყინული კონფლიქტი ჰქონდა შექმნილი. მაშინ რუსეთში ახალი პრეზიდენტი იყო და შევეცადეთ, ამერიკულ-რუსული ურთიერთობებისთვის უფრო კონსტრუქციული გზა გამოგვენახა. ვფიქრობ, რომ რუსეთს საკმარისი პატივისცემა დავანახეთ, უზარმაზარ სხვაობებსა და განსხვავებულ ფასეულობებს ვაღიარებდით და ამასთანავე, ვცდილობდით ერთობლივი თანამშრომლობისთვის გზების გამონახვას“, – განაცხადა ობამამ.