ისრაელის პარლამენტმა, ქნესეთმაპრეზიდენტად ისააკ ჰერცოგი აირჩია. მის კანდიდატურას 120-წევრიანი ქნესეთის 87-მა დეპუტატმა მისცა ხმა. შესაბამის ინფორმაციას გამოცემა „თაიმს ოფ ისრაელი“ ავრცელებს.
ჰერცოგი იქნება ისრაელის მე-11 პრეზიდენტი. ის აღნიშნულ თანამდებობაზე რუვენ რივლინს შეცვლის, რომლის პრეზიდენტობის ვადა 9 ივლისს იწურება.
ისააკ ჰერცოგი ისრაელის ყოფილი პრეზიდენტის ხაიმ ჰერცოგის შვილია. ხაიმ ჰერცოგი იყო ქვეყნის მეექვსე პრეზიდენტი, ის ამ თანამდებობას 1983-1993 წლებში იკავებდა.
ისააკ ჰერცოგი 2013-2017 წლებში „ლეიბორისტული პარტიის“ ლიდერი იყო. ამჟამად კი ებრაულ სააგენტოს ხელმძღვანელობდა.
ჰერცოგის მეტოქეს აქტივისტი მირიამ პერეტციწარმოადგენდა, რომელმაც ქნესეთის 26 წევრის ხმა მოიპოვა.
კომენტარები