საქართველოს პარლამენტის წევრები დენის შმიგალსა და უკრაინის დელეგაციას შეხვდნენ. როგორც უკრაინის პრემიერთან შეხვედრის შემდეგ პარლამენტის თავმჯდომარის მოადგილემ, არჩილ თალაკვაძემ განაცხადა, მხარეებმა ქვეყნებს შორის საპარლამენტო თანამშრომლობის გაძლიერების საკითხი განიხილეს.
„ჩვენი ქვეყანა დღეს უკრაინის პრემიერ-მინისტრსა და უკრაინიდან ოფიციალურ დელეგაციას მასპინძლობს. საქართველოსა და უკრაინას აქვთ ძლიერი მეგობრობა, ჩვენ ვართ სტრატეგიული პარტნიორები. ორივე ქვეყანას აქვს გამოწვევები ტერიტორიების ოკუპაციასა და ანექსიასთან დაკავშირებით. რასაკვირველია, ჩვენ მომავალშიც უნდა გვქონდეს კარგი კოორდინაცია, ძლიერი თანამშრომლობა, რათა ამ გამოწვევებს ერთიანად ვუპასუხოთ. მნიშვნელოვანია, რომ განვიხილეთ ჩვენს ქვეყნებს შორის საპარლამენტო თანამშრომლობის, ეკონომიკური საკითხები, განვიხილეთ უსაფრთხოების საკითხები და აუცილებლად განვაგრძობთ შემდგომში საპარლამენტო დონეზე ამ მეგობრობის გაძლიერებას.