პარტია “ლელო საქართველოსთვის” ერთ-ერთი ლიდერის ბადრი ჯაფარიძის განცხადებას იმის შესახებ, რომ მუქარის წერილი მას პირადად ექსპრემიერმა გიორგი გახარიამ გადასცა, უკვე მოჰყვა შეფასებები პოლიტიკურ სპექტრში.
პარლამენტის წევრი და პარტია “მოქალაქეების” თავმჯდომარე ალეკო ელისაშვილი გახარიას გულწრფელობისაკენ მოუწოდებს.
“მე გახარიას ვურჩევდი გულწრფელობას. მუქარებზე ვერაფერს ვერ ვიტყვი, მე არ მინახავს რა წერილი გადასცა, ვინ გადასცა ბადრი ჯაფარიძეს და იყო, თუ არა ეს გახარია. მე ვერ ვიმსჯელებ, ამაზე გახარიამ უნდა ილაპარაკოს. მე რაც არ მომეწონა, ოპოზიციაში გადმოსვლის შემდეგ გახარია არ არის გულწრფელი,” – განაცხადა ალეკო ელისაშვილმა.
კომენტარები