გიორგი გახარიას ახალ პოლიტიკურ ცხოვრებასთან დაკავშირებით ბიძინა ივანიშვილის მიერ გავრცელებულ წერილს მმართველი პარტიის წევრები ეხმაურებიან და ყოფილ თანაგუნდელს აკრიტიკებენ.
სოზარ სუბარი აცხადებს, რომ ბიძინა ივანიშვილმა საჭიროდ ჩათვალა შეფასება მიეცა ამ სიცრუისთვის და ღალატისთვის რომელიც გიორგი გახარიამ და მისმა გუნდის წევრებმა ჩაიდინეს.
“გახარია და მისი გუნდის წევრები დადიოდნენ და განსაკუთრებით რეგიონებში ავრცელებდნენ ისეთ ჭორებს, თითქოს ეს არის ბიძინა ივანიშვილის ალტერნატიული გეგმა, რაც იყო ტყუილი, ჩვენ არაერთხელ გვითქვამს და როგორც ჩანს თვითონ ბიძინა ივანიშვილმაც საჭიროდ ჩათვალა შეფასება მიეცა ამ სიცრუისთვის და ღალატისთვის რომელიც ჩაიდინა გიორგი გახარიამ და მისმა გუნდის წევრებმაც,” – განაცხადა სოზარ სუბარმა.
კომენტარები