საპარლამენტო გუნდზე რომ მოაქვს იერიში და თავად მთავარი აღმასრულებელი, ქვეყნის პრემიერ-მინისტრი იყო და აქეთ ჩვენ გვესაუბრება ნეპოტიზმსა და კორუფციაზე, ძალიან უხერხულია, – ამის შესახებ პარტია „ქართული ოცნების“ აღმასრულებელმა მდივანმა მამუკა მდინარაძემ განაცხადა.
იგი გიორგი გახარიას მიერ ნეპოტიზმთან დაკავშირებით გაკეთებულ განცხადებას გამოეხმაურა.
„ერთი ზარი თუ შეუძლია გაიხსენოს რომელიმე ჩვენგანისგან, რომ რომელიმე ჩვენი ახლობელი სადმე დანიშნე ან რაიმე ისეთი თხოვნა, რომელიც ფინანსურ თემასთან შემხებლობაში იყო, მინიშნება მაინც! თუ არა და ამ თემებზე საუბარს ყველამ თავი დაანებოს. მაშინ როცა საპარლამენტო გუნდზე მოაქვს იერიში და თავად მთავარი აღმასრულებელი, ქვეყნის პრემიერ-მინისტრი იყო და აქეთ ჩვენ გვესაუბრება ნეპოტიზმსა და კორუფციაზე, ძალიან უხერხულია“, – განაცხადა მდინარაძემ.