რუსეთის პრეზიდენტი, ვლადიმერ პუტინი, რომელიც მომდევნო კვირას ამერიკელ კოლეგას, ჯო ბაიდენს უნდა შეხვდეს, აცხადებს, რომ „აშშ-თან ურთიერთობა ყველაზე დაბალ ნიშნულზეა“, – ამის შესახებ Reuters-ი წერს.
„ჩვენ გვაქვს ორმხრივი ურთიერთობა, რომელიც ბოლო წლების განმავლობაში, გაუარესდა და ყველაზე დაბალ დონეზეა“, – ამბობს პუტინი.
მისივე თქმით, აშშ-ის ყოფილი პრეზიდენტი, დონალდ ტრამპი „განსაკუთრებული, ნიჭიერია“, ბაიდენი კი, როგორც პოლიტიკოსი, „რადიკალურად განსხვავდება“ ტრამპისგან.
მას ბაიდენის იმ განცხადების შესახებაც ჰკითხეს, რომელიც აშშ-ის პრეზიდენტმა მარტში გააკეთა და პუტინს მკვლელი უწოდა. რუსეთის პრეზიდენტმა თქვა, რომ ათობით ასეთი ბრალდება მოუსმენია და ასეთი განცხადებები არ ადარდებს.
ბაიდენისა და პუტინის შეხვედრა 16 ივნისს, ჟენევაშია ჩანიშნული.
კომენტარები