აშშ ირანთან მაღალ დონეზე შეხვედრის გამართვას არ გეგმავს. ამის შესახებ თეთრი სახლის ოფიციალურმა წარმომადგენელმა, ჯენ ფსაკიმ განაცხადა.
„აშშ-სა და ირანს შორის დიპლომატიური ურთიერთობები არ არის. ლიდერების დონეზე შეხვედრის გამართვის გეგმები არ გვაქვს. პრეზიდენტი მიიჩნევს, რომ ირანში გადაწყვეტილებებს უზენაესი ლიდერი იღებს. ასე იყო არჩევნებამდე, ასეა ახლა და სავარაუდოდ, მომავალშიც ასე იქნება“, – განაცხადა თეთრი სახლის ოფიციალურმა წარმომადგენელმა.
21 ივნისს ირანის არჩეულმა პრეზიდენტმა, ებრაჰიმ რაისმა განაცხადა, რომ აშშ-ის პრეზიდენტს, ჯო ბაიდენს არ შეხვდება.
ებრაჰიმ რაისმა ასევე განაცხადა, რომ შეერთებულმა შტატებმა ბირთვული შეთანხმება დაარღვია, ხოლო ევროკავშირმა თავისი ვალდებულებები ვერ შეასრულა.
კომენტარები