ისლანდიის ხელისუფლებამ დღეს COVID19-ის პანდემიის გამო შემოღებული ყველა შეზღუდვა გააუქმა. ამის შესახებ Reuters წერს.
გამოცემა წერს, რომ ამ გადაწყვეტილების მიზეზი ვაქცინაცია გახდა. 16 წელზე ზემოთ მოსახლეობის 87%-ი ერთი დოზითაა აცრილი, ხოლო 48%-მა ვაქცინის ორივე დოზა გაიკეთა.
ისლანდია ევროპაში პირველი ქვეყანაა, სადაც ყველა შეზღუდვა მოიხსნა.
ისლანდიაში 360 ათასი ადამიანი ცხოვრობს. პანდემიის დაწყებიდან დღემდე ქვეყანაში COVID19-ის 6 637 შემთხვევა დაფიქსირდა. დაიღუპა 30 ადამიანი.
კომენტარები