„გირჩმა“ საკუთარი „სამეფო“ დააარსა. ჰყავთ მეფე, მოურავი, ნაზირ-ვეზირები და ამბობენ, რომ მათთან ყველაფერი ისეა, როგორც ნამდვილ სახელმწიფოში.
მათივე განცხადებით, მიზანი თვითმმართველობის არჩევნებში მონაწილეობა და იმის დამტკიცებაა, რომ „გირჩი“ კონკურენტებს შორის ყველაზე ღირსეულია.
უკვე ცნობილია, რომ გირჩი არც მაჟორიტარებს დაასახელებს და არც მერობის კანდიდატებს. გირჩის „მეფე“ ჰერმან საბოა.
„ჩვენ არჩევნების პროპორციულ ნაწილში მივიღებთ მონაწილეობას. ანუ, ჩვენი კამპანია გათვლილი იქნება მხოლოდ პროპორციულ ნაწილზე. მერობის ნაწილში, არ ვაპირებთ რესურსი დავხარჯოთ. უბრალოდ, მხოლოდ პროპორციულზე ვართ კონცენტრირებულნი“, – აღნიშნა ვახტანგ მეგრელიშვილმა „იმედინიუსთან“ საუბრისას.
კომენტარები