ნიდერლანდების პოლიციამ ამსტერდამის აეროპორტის მახლობლად მდებარე ფერმაში სამი ტონა კოკაინი და 11 მილიონი ევრო ამოიღო.
„ეს ამსტერდამის პოლიციის ისტორიაში ნარკოტიკული ნივთიერებების ერთ-ერთი ყველაზე დიდი ამოღებაა“, – აღნიშნეს პოლიციაში.
პოლიციამ ასევე ამოიღო 11.3 მილიონი ევრო და ფუფუნების საგნები.
პოლიციამ ორი ეჭვმიტანილი დააკავა. ამჟამად ისინი პატიმრობაში იმყოფებიან და მათ ბრალი ნარკოტიკებით დიდი ოდენობით ვაჭრობაში ედებათ.
„ამოღებული კოკაინი, სავარაუდოდ, ლათინურ ამერიკაში ნარკობიზნესის ნაწილია და უახლოეს პერიოდში მეტი დაკავებებია მოსალოდნელი“, – აცხადებენ ამსტერდამის პოლიციაში.
ნიდერლანდები ევროპაში ნარკოტიკების, განსაკუთრებით კოკაინის გავრცელების მთავარი ცენტრია, რისთვისაც ძირითადად როტერდამის პორტს იყენებენ.
კომენტარები