მანჰეტენის საოლქო პროკურატურა დონალდ ტრამპის ერთ-ერთ ორგანიზაციასა (Trump Organization) და მის ფინანსურ დირექტორს, ალენ ვაისელბერგს საგადასახადო დანაშაულისთვის ბრალს წაუყენებს. ინფორმაციას ამის შესახებ გამოცემა The Wall Street Journal-ი ავრცელებს.
არსებული ინფორმაციით, პროკურორები სწავლობენ, აისახა თუ არა ალენ ვაისელბერგისა და სხვა ხელმძღვანელების შეღავათები კომპანიის ფინანსური აღრიცხვის სისტემაში და იხდიდა თუ არა კომპანია გადასახადებს აღნიშნულ შეღავათებზე.
19 მაისს ნიუ-იორკის შტატის გენერალურმა პროკურატურამ დონალდ ტრამპის ერთ-ერთი ორგანიზაციის წინააღმდეგ სისხლის სამართლის საქმე აღძრა.
2020 წლის მარტში ნიუ-იორკის შტატის გენერალურმა პროკურორმა კომპანია Trump Organization-ის წინააღმდეგ გამოძიება დაიწყო.
კომენტარები