დიდი ბრიტანეთში მოსწავლეები ფორთოხლის წვენის გამოყენებით კორონავირუსზე ექსპრეს-ტესტებს აყალბებენ, რათა სკოლაში არ იარონ. ამის შესახებ გამოცემა The Guardian წერს.
ვიდეოში #fakecovidtest ნაჩვენებია სხვადასხვა სითხე, რომელთა გამოყენება ტესტზე, ხანდახან, იძლევა დადებით შედეგს.
კერძოდ, ტესტი ცრუ დადებით შედეგს აჩვენებს, თუ მასზე კეტჩუპი, კოკა-კოლა და ფორთოხლის წვენია გამოყენებული. ამასთან, მოსწავლეები ამბობენ, რომ სიმართლე მაინც გამოაშკარავდება, რადგან “ინფიცირებულებს” პი-სი-არ ტესტით ამოწმებენ, რომლის მოტყუება პრაქტიკულად შეუძლებელია.
“მოსწავლეების თქმით, ეს შესანიშნავი გზაა, რომ 2 კვირა სკოლაში არ იარონ”, – განაცხადა ერთ-ერთმა მასწავლებელმა.
ბრიტანეთის სკოლებისა და კოლეჯების ხელმძღვანელთა ასოციაციის თავმჯდომარის, ჯეფ ბარტონის თქმით, სკოლის დირექტორები მოსწავლეების მიერ კორონავირუსის სწრაფი ტესტების გაყალბების შემთხვევების შესახებ უკვე გააფრთხილეს.
”ამასთან, ჩვენ მოვუწოდებთ მშობლებს დარწმუნდნენ, რომ [სწრაფი] ტესტები არ არის არასათანადოდ გამოყენებული, ხოლო ქიმიური რეაქციებით დაინტერესებულ მოსწავლეებს მივმართავთ – მათ შესასწავლად საუკეთესო ადგილი სკოლის ქიმიის გაკვეთილებია”, – განაცხადა ბარტონმა.