ევროკავშირის ქვეყნები კორონავირუსის პოტენციური მეოთხე ტალღისთვის უნდა მოემზადონ და ის მაქსიმალურად უნდა აირიდონ, – ამის შესახებ სლოვენიის პრემიერ-მინისტრმა იანეზ იანშამ ევროპარლამენტში გამოსვლისას განაცხადა.
”ჩვენ ვხედავთ საზოგადოებრივი ცხოვრების ეტაპობრივ აღდგენას, მაგრამ პოტენციური მეოთხე ტალღისთვის მომზადებაზე უნდა გავამახვილოთ ყურადღება”, – განაცხადა პრემიერმა.
იანშის თქმით, ევროპას არ სურს, რომ კონტინენტზე იგივე პრობლემები იყოს, რაც 2020 წელს კორონავირუსის გამო გაჩნდა. მან მოუწოდა ევროკავშირის ქვეყნებს, დაიცვან ზომები და რეგულაციები, რაც მომდევნო ექვსი თვის განმავლობაში მათ საშუალებას მისცემს, დაუბრუნდნენ ნორმალურ ცხოვრებას.
სლოვენიის პრემიერ-მინისტრმა აღნიშნა, რომ ზოგიერთი ადრე დაწესებული რეგულაციის მოქმედება უნდა გაგრძელდეს.
კომენტარები