საშიში და სწრაფად გავრცელებადი – ასე ახასიათებენ “დელტა” ვარიანტს ჯანდაცვის მსოფლიო ორგანიზაციაში, სადაც ვარაუდობენ, რომ მსოფლიო შემოდგომით მორიგი ტალღის პირისპირ აღმოჩნდება. B.1.617.2 უკვე პლანეტის 95 ქვეყანაშია გავრცელებული, ჯანდაცვის ექსპერტები მოსახლეობას სიფრთხილისკენ მოუწოდებენ.
ინფიცირების შემთხვევების ზრდის გამო რთული ვითარებაა ინდოეთსა და ინდონეზიაში. ქვეყნები კვლავ სამედიცინო რესურსის დანაკლისს განიცდიან. გახშირდა სამედიცინო თაღლითობის შემთხვევები. მხოლოდ ინდოეთში ათასობით ადამიანი, კოვიდვაქცინის ნაცვლად, მარილიანი წყლით აცრეს. ვაქცინის მარაგის დეფიციტის გამო კი ინდონეზიამ ნაწილობრივი ლოკდაუნი გამოაცხადა.
კომენტარები