ჟურნალისტმა ინგა გრიგოლია, ლუიზა შაკიაშვილს შეადარა

ჟურნალისტი გელა ზედელაშვილი სოციალურ ქსელში პოსტს აქვეყნებს. “1991 წელია, ზვიად გამსახურდია ტელევიზიაშია მოსული. ფოიეში (პირველ სართულზე) ლუიზა შაკიაშვილი გადაუდგა დოინჯითა და წიოკით, ფეხებიც მხრების სიგანეზე ჰქონდა გადგმული:
– დამიჭირე, ზვიადი, დამიჭირე, და-მი-ჭი-რე, და-მი-ჭი-რეეეეე!!!
– ქალბატონო ლუიზა, სანამ მე პრეზიდენტი ვარ, თქვენ ციხეს ვერ ეღირსებით, – მიუგო ღიმილით ზვიადმა.
დღეს ინგა გრიგოლიამ გაიგიჟა თავი, ყარა ქოშები უკუღმა და ცრემლთა ღვარღვარით მიმართა ირაკლი ღარიბაშვილს:
– მოდი, აბა, დამიჭირე, ირაკლი, მოდი, და-მი-ჭი-რე, და-მი-ჭი-რეეეეეეეე!!!
ეხლა, ამან ხომ ისედაც იცის, რომ სანამ ღარიბაშვილი პრემიერ-მინისტრი იქნება, ციხეს ვერ ეღირსება, ასე უშნოდ რეიზა იჭინთება?
აჰ, როლი აქვენ ამნაირი?
ჰოოო… მაშინ – ჰოოო!
ეჰ, ისტორია რა მალ-მალე მეორდება?!”