ამხრეთ აფრიკაში, დედას შვილის გადასარჩენად ბავშვის ცეცხლმოკიდებული შენობიდან გადაგდება მოუწია. ამის შესახებ BBC წერს.
გამოცემის ინფორმაციით, შემთხვევა ქალაქ დურბანში მოხდა, შენობას ცეცხლი კი სავარაუდოდ საპროტესტო აქციების მონაწილეებმა წაუკიდეს. ბავშვი ქუჩაში შეკრებილმა გამვლელებმა დაიჭირეს. რამდენიმე წუთში, მაშველებმა შენობიდან დედის გამოყვანაც მოახერხეს. ახლა ქალი და მისი შვილი უსაფრთხოდ არიან.
A mother in South Africa was forced to throw her baby from a building after it was allegedly set on fire by lootershttps://t.co/lBKZwCVjm8 pic.twitter.com/xFhlQsicn3
— BBC News (World) (@BBCWorld) July 14, 2021
სამხრეთ აფრიკაში არეულობა ყოფილი პრეზიდენტის ჯეიკობ ზუმას დაპატიმრების შემდეგ დაიწყო. ქვეყნის უზენაესი სასამართლოს გადაწყვეტილებით, მას 15-თვიანი პატიმრობა აქვს მისჯილი. საკონსტიტუციო სასამართლომ ზუმა დამნაშავედ ცნო მოსამართლის ბრძანების დარღვევაში. სასამართლო ზუმას მის წინააღმდეგ მიმდინარე კორუფციული გამოძიების ფარგლებში მისვლას ითხოვდა. სამხრეთ აფრიკის რესპუბლიკის ექსპრეზიდენტმა ეს განკარგულება არ შეასრულა და ის სასამართლოსადმი უპატივცემულობაში დაადანაშაულეს.
შედეგად ათობით ადამიანი დაიღუპა, ასობით დემონსტრანტი კი დაკავებულია.