ტრაგედია ქორწილამდე სამი დღით ადრე – “ტვ პირველმა” გლდანში მომხდარი მკვლელობის შესახებ ახალი დეტალები გაარკვია. ჩვენი ინფორმაციით, 30 წლის გეგი ნიგურიანი საცოლის ძმამ, გეგი ღვაჩლიანმა, მოკლა.
ღვაჩლიანის გაღიზიანება მისი დის მეორედ ქორწინებამ გამოიწვია.
გეგი ნიგურიანს მკვლელობაში ბრალდებულის, გეგი ღვაჩლიანის, და მოუყვანია ცოლად. ღვიჩლიანები მესტიიდან სტიქიის დროს, 1987 წელს, წავიდნენ, მაშინ გეგი ღვიჩლიანი ალბათ 5 წლის იქნებოდა. მას მერე არ გამოჩენილა, ორივე ბავშვობიდან იცნობდა. ბოლოს ლემშვენიერაში ცხოვრობდა”- აცხადენს “პირველთან” მესტიის რწმუნებული ჯეირან ჯაფარიძე.
კიდევ ერთი ადგილობრივი, ნარგიზ ნიგურიანი, მოკლულ ახალგაზრდას დადებითად ახასიათებს.
გეგი კეთილშობილების განსახიერება იყო, მომღიმარი, კეთილის მოსურნე ბიჭი იყო. მუდამ მზად იყო, ადამიანს დახმარებოდა. ბიჭი ჯერ არ ჩამოუსვენებიათ, მშობლებიც თბილისში იმყოფებიან. როგორც მომიყვნენ, ცოლი მოიყვანა, თუმცა საუბედუროდ მხოლოდ სამი დღე იყვნენ ერთად. თბილისში მშობლებიც ჩავიდნენ, რომ მისი დაქორწინების ამბავი აღენიშნათ.
როგორც მიყვებიან, გოგონას ძმამ დაურეკა, გეგი დაბლა, სალაპარაკოდ ჩავიდა, რა დროსაც ესროლა და მოკლა.
მკვლელობის მოტივი შესაძლებელია, ყოფილიყო ის გარემოებაც, რომ გოგონამ ოჯახი მეორედ შექმნა”- განაცხადა ნარგიზ ნიგურიანი.
ცნობისთვის, ახალგაზრდა მამაკაცი გლდანში დღეს მოკლეს. გავრცელებული ინფორმაციით, მომხდარს წინ დაპირისპირება უძღოდა.
გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონოდ შეძენა-შენახვას გულისხმობს.