ერაყის დედაქალაქ ბაღდადში მომხდარ ტერაქტში მონაწილე პირთა პასუხისმგებლობა რაც შეიძლება მალე უნდა დადგეს. აღნიშნულის შესახებ გაერო-ს გენერალური მდივნის, ანტონიო გუტერეშის განცხადებაშია ნათქვამი.
„ეს სასიკვდილო თავდასხმა კიდევ ერთხელ გვახსენებს, რომ ტერორიზმს საზღვრები არ აქვს. გენერალური მდივანი კრიმინალების პასუხისგებაში მიცემას მოითხოვს“, – ნათქვამია განცხადებაში.
გუტერეშმა აგრეთვე სამძიმარი გამოუცხადა დაღუპულთა ნათესავებს და დაზარალებულებს სწრაფი გამოჯანმრთელება უსურვა.
ერაყის დედაქალაქის ერთ-ერთ ბაზრობაზე თვითმკვლელმა ტერორისტმა თავი აიფეთქა. ტერაქტის შედეგად 35 ადამიანი დაიღუპა, 60-ზე მეტი დაშავებულია. მომხდარზე პასუხიმგებლობა ე.წ. ისლამურმა სახელმწიფომ აიღო.
კომენტარები