ჟურნალისტი ნინო ბურჭულაძე სოციალურ ქსელში პოსტს აქვეყნებს.
“ახლა მინდა მოგიყვეთ კოვიდ რეგულაციებზე თურქეთში. ქვეყანა რომელიც ჩვენს მსგავსად უამრავ ტურისტს იღებს.
ვინაიდან ორჯერ ვიყავი აცრილი(სინოვაკი, ბოლო დოზა 29 ივნისი) ტესტი არ დამჭირდა. მხოლოდ ვაქცინირების დამადასტურებელი დოკუმენტი(ბოლო დოზიდან 2 კვირა უნდა იყოს გასული)
რაც ძალიან მნიშვნელოვანი და სავალდებულოა დავრეგისტრირდი თურქეთის ჯანდაცვის საიტზე. სადაც შევიყვანე ყველა პირადი მონაცემი ასევე ქალაქი და მისამართი სადაც ვაპირებდი ყოფნას. მომენიჭა ე.წ.”ჰესკოდი”(კოდი აქვს ყველა ადგილობრივსაც)
როგორც კი გოგჩენის აეროპორტში ჩავფრინდი(14 ივლისი)იქიდან გააქტიურდა ჩემი “ჰესკოდი” .
საზღვარზე მხოლოდ პასპორტი მომთხოვეს და რადგან ბაზაში უკვე ვიყავი შეტანილი და გამოვედი.
ვინც ხართ სტამბოლში ნამყოფები იცით რომ არსებობს “istambulcard” ანუ ჩვენებური მეტრომანი რომელიც ნებისმიერ ტრანსპორტში გამოიყენება. მოკლედ სტამბოლში ჩასვლისას სავალდებულოა “მეტრომანს” მიაბათ თქვენი “ჰესკოდი”წინააღმდეგ შემთხვევაში ვერ ისარგებლებთ ტრანსპორტით.
ასევე “ჰესკოდის”გარეშე ვერ შეხვალთ ვერც სასტუმროში. ვერც მაღაზიაში რესტორანსა თუ კაფეში. სავაჭრო ცენტრებზე ხომ საუბარი არც არის. მოკლედ დახურულ სივრცეში ვერსად. ასევე ღია ადგილებში სადაც კონცერტები ტარდება. ტელეფონში მაქვს “სქრინშოტი”გაკეთებული და ყველგან ვაჩვენებ. შემდეგ სპეციალური აპარატით ამოწმებენ..
თურქეთის ყველა ტელეარხზე გადის ვაქცინაციის ვიდეო რგოლები და თან ისეთი პატრიოტული სულისკვეთების,რომ მაშინვე მოგინდება გაიქცე და აიცრა.
ასევე სტამბოლის ბულვარებში და აქაც იალოვას მარმარილოს ზღვის ბულვარში (სადაც საღამოობით თითქმის მთელი ქალაქი იყრის თავს) პოლიცია დადის სკუტერებით მუდმივად და მოსახლეობას ნიღბების ტარებაზე აფრთხილებენ. ასევე ხშირად მოგვიწოდებს”ხმა”-ვატაროთ ნიღბები.
– თუ სამშობლო გიყვარს მაშინ უნდა აიცრე, რადგან შენ ამით თურქეთს გადაარჩენ-დაახლოებით ასეთ რანგში აქვთ აყვანილი ვაქცინაციის პროცესი.
მოსახლეობის ის ნაწილი რომელიც ჩინური ვაქცინით აიცრა. მესამეს ბუსტერად ფაიზერს იკეთებს. აცრა და კოვიდის მკურნალობა თურქეთშიც უფასოა. ასევე კოვიდის მკურნალობა უფასოა ტურისტებისთვისაც თურქეთში დადასტურების შემთხვევაში.
დღეს პრეზიდენტმა ერდოღანმა მას შემდეგ რაც მოსახლეობას ყურბან ბაირამობა მიილოცა. გამოაცხადა რომ აცრა 17 წლიდან სავალდებულო ხდება.
არანაირი პროტესტი. არანაირი ექიმების ლანძღვა არანაირი შეფერხება ვაქცინებში.
ყველამ – ერმა თუ ბერმა იცის რომ თურქეთი უნდა გადარჩეს.”