დღეს, 24 ივლისს ფეისბუქში გავრცელებულ ინფორმაციას იმის შესახებ, რომ კასპის მეორე საჯარო სკოლის დირექტორი ოლია მახარაძე აცრის გაკეთებიდან 5 საათში გარდაიცვალა, გარდაცვლილის შვილიშვილი – ნოდარ მახარაძე ტყუილს უწოდებს.
ნოდარ მახარაძის თქმით, ოლია მახარაძე გულის შეტევის დიაგნოზით გარდაიცვალა, ხოლო კორონავირუსზე აცრა მას 6 ივლისს გაუკეთდა.
„ეს არის აბსოლიტური ტყული. მე ვარ პროფესიით ექიმი-რეანიმატოლოგი. სამწუხაროა, რომ ასეთი ცრუ ინფორმაცია ვრცელდება. ბებია აიცრა 6 ივლისს და თავს კარგად გრძნობდა. მას მეორე დოზა უწევდა 27 ივლისს. ბებიას ჰქონდა გულის ჩივილები და დადგა კარდიული სიკვდილი. ვაქცინა აქ არაფერ შუაშია,“ – გვითხრა ნოდარ მახარაძემ.
კომენტარები