“ლელო“ პარლამენტში მუშაობას აგრძელებს. ამის შესახებ პარტიის ლიდერმა, ბადრი ჯაფარიძემ საკანონმდებლო ორგანოში განაცხადა.
„ჩვენი ამოცანაა, რომ შეთანხმებით აღებული ვალდებულებები შესრულდეს სრულად. ჩვენ ამისთვის ვიბრძოლებთ. მოვემზადებით ადგილობრივი არჩევნებისთვის უფრო გაძლიერებული ენერგიით, იმისთვის, რომ ის რეალობა, რისიც ეშინია „ქართულ ოცნებას“, აუცილებლად დადგეს. ეს რეალობა აუცილებლად დადგება 2 ოქტომბერს. ოპოზიცია გაიმარჯვებს, დაამარცხებს „ქართულ ოცნებას“. ჩვენ პარლამენტში შემოვედით იმისთვის, რომ მიგვეღწია რიგგარეშე არჩევნებისთვის, რომ განხორციელებულიყო ყველა ცვლილება, რომელიც შარლ მიშელის დოკუმენტით არის გათვალისწინებული. ამიტომ, სანამ ამ მიზნებს არ მივაღწევთ, ჩვენ პარლამენტში ვრჩებით. შესაბამისად, ჩვენ გავაგრძელებთ ბრძოლას პარლამენტიდან“, – განაცხადა ჯაფარიძემ.