თამარ ივერი სოციალურ ქსელში პოსტს აქვეყნებს და ჟურნალისტ სოსო ჭუმბურიძეს მხარდაჭერას უცხადებს.
”როგორ არ მიყვარს ერთი ადამიანის წინააღმდეგ აგორებული ანტიპიარ კამპანია. ერთ დროს თავადაც ვიყავი ამ ყოველივეს მსხვერპლი.
მთელი დღეა ტალახს ესვრიან ბატონ სოსო ჭუმბურიძეს.
ბატონი სოსო მისი თაობის ღირსშესანიშნავი წარმომადგენელია!! ჯერ კიდევ თინეიჯერი ვიყავი და კარგად მახსოვს თუ როგორ მეგობრობდა ის ჩემს ბაბუასთან (ბაბუა, ვანო ჯავახიშვილი მხცოვანი, ჟურნალისტიკის სფეროში საკმაოდ პატივცემული და ცნობილი ჟურნალისტი იყო 60-90წლებში. გარდაიცვალა 1994ში 84წლის ასაკში)
ბაბუა მეგობრობდა მაშინ ჯერ კიდევ ახალგაზრდა იოსებთან. სულ აქებდა , აღფრთოვანებული იყო მისი ნიჭით და ამბობდა: სოსოსნაირებისაა მომავალი ძალიან ნიჭიერი ადამიანია,მასში დიდი პიტენციააო. სოსო ხშირად სტუმრობდა ჩემს ოჯახს და ბევრს იღებდა ბაბუასთან მეგობრობით. საერთოდ ბაბუას ძალიან უყვარდა ახალგაზრდებთან მეგობრობა, საკუთარი გამოცდილების გაზიარება და მათაც ძალიან უყვარდათ ის და ძალიან პატივს სცემდნენ “ვანო ძიას”. ჩვენს ოჯახს სტუმრობდნენ.როგორც სოსო ჭუმბურიძე, ასევე გია ზუბაშვილი, გიგლა გობეჩია, პაატა ნაცვლიშვილი, არჩილ გოგელია და სხვები. ამ და ასეთ ადამიანებზე იდგა თავის დროზე ჟურნალისტიკა და ის დღევანდელობასთან შედარებით “ცოტა უფრო” სხვა დონეზე იდგა!!
მართლაც სირცხვილია რომ ბატონი სოსო ვიღაც ანგაჟირებული ადამიანების სალაპარაკო და საპროტესტო გახდა!!!
გამძლეობა მოგცეთ ღმერთმა ბატონო სოსო!!
ესეც გაივლის….”-წერს ივერი.
პოსტს გამოეხმაურა თაკო ჩარკვიანი.
“კარგით თამარ, ჟურნალისტიკას ნუ მიაყენებთ შურაცხყოფას, ( მართლა კორიფეები გვყავდა) ამ უნიჭო არარაობაზე, როგორ იდგა ქართული ჟურნალისტიკა, რას ბრძანებთ ?! ანონიმკებით და მაბეზღრობით კი იყო ცნობილი, ეს საყოველთაოდ ცნობილია. მომიტევეთ აქ ამ კედელზე შემოსვლა, მაგრამ ქართული ჟურნალისტიკა დავიცავი! ერთი ლაშა ნაცვლიშვილია “ჟურნალისტიკა” და მეორე სოსო ჭუმბურიძე და მესამე – ჟურნალისტიკის ფაკულტეტის დეკანი ნუგზარ ფოფხაძე, ტროლური- ანონიმური ჟურნალისტიკის “შემოქმედნი” კი არიან უთუოდ. იცი თამარ, ახლა ჟურნალისტიკის ფაკულტეტის ერთ კურსს – თანაკურსელებს და ჯგუფელებს ჩამოგითვლი, ესენი იყვნენ: ოთარ ჭილაძე, თამაზ ჭილაძე, ჯანსუღ ჩარკვიანი, ვახტანგ ჯავახაძე, ტარიელ ჭანტურია, ზაურ ბოლქვაძე, გივი გეგეჭკორი…..ნიჭის და სიკეთის ზეიმი იყო ეს ხალხი, მოგვიანებით ჟურნალებში და გაზეთებში მოღვაწეობდნენ და იბეჭდებოდნენ – . …..ჰოდა, რა ვიცი უხერხული მგონია ტროლად ქცეული კაცის ჟურნალისტურ პროფესიონალიზმზე საუბარი, ხომ გახსოვს რუსთაველი: ” იგი სხვაა, სიძვა სხვაა, შუა უზის დიდი მზღვარი”, ნუ აგვერევა!
ბრავო ქართველ მწერლებს და ჟიურის წევრებს, რომ საკადრისი პასუხი მიაგეს ამ – პოეტებზე და მწერლებზე ” მიმაგრებულ”, მრავალწლიან დაქირავებულ თავდამსხმელს და არც მისი “ჩასმა” მაკონტროლებლად – ჟიურის წევრად წულუკიანის მიერ, არ გეგონოთ შემთხვევითი”.