სერბმა ჩოგბურთელმა ნოვაკ ჯოკოვიჩმა ტოკიოს ოლიმპიურ თამაშებზე შერეულ წყვილთა თანრიგში ბრინჯაოს მედლისთვის ასპარეზობაზე უარი თქვა. ინფორმაციას ამის შესახებ ოლიმპიური თამაშების Twitter-ის გვერდი ავრცელებს.
ბრინჯაოსთვის ბრძოლაში ნოვაკ ჯოკოვიჩისა და ნინა სტოიანოვიჩის მეტოქეები ავსტრალიელები ეშლი ბარტი და ჯონ პირსი უნდა ყოფილიყვნენ, რომლებმაც ავტომატურად ბრინჯაოს მედლები გაინაღდეს.
მედლის გარეშე დაასრულა ჯოკოვიჩმა ასპარეზობა ერთეულთა თანრიგშიც. ნახევარფინალში ის გერმანელ ალექსანდრ ზვერევთან დამარცხდა, ხოლო ბრინჯაოსთვის ბრძოლაში – ესპანელ პაბლო კარენო-ბუსტასთან.
კომენტარები