ვიცი, რომ რამდენიმე სოფელში წყლის პრობლემა გამოწვევად რჩება. ჩვენ ამაზე ვმუშაობთ და ეს პროექტი 2-3 წელიწადში დასრულდება. საგარეჯო და საგარეჯოს სოფლები 2023 წლისთვის წყლით სრულად იქნება უზრუნველყოფილი, – ამის შესახებ საქართველოს პრემიერ-მინისტრმა ირაკლი ღარიბაშვილმა, საგარეჯოს მერობის კანდიდატის, ავთანდილ გულიკაშვილის წარდგენის ღონისძიებაზე განაცხადა.
მთავრობის მეთაურის თქმით, საგარეჯოში მოგვარდება ასევე გაზმომარაგების პრობლემა.
„აქტიურ საარჩევნო კამპანიას ვაწარმოებთ და რამდენიმე დღეა დავიწყეთ რეგიონებში სიარული და ჩვენი მერობის კანდიდატების წარდგენა. დღეს ჩვენ წარმოგიდგენთ საგარეჯოს მერობის კანდიდატს.
„მინდა, განვლილი პერიოდი თქვენთან ერთად შევაჯამო. მოსახლეობას ავუხსნათ ჩვენს მიერ გაკეთებული საქმეები, ანგარიში ჩავაბაროთ და ასევე ველაპარაკოთ მომავალზე, თუ რას ვგეგმავთ, რის გაკეთებას ვაპირებთ. ჩვენმა გუნდმა, „ქართულმა ოცნებამ“, ბოლო 8 ლის განმავლობაში, მთავარი რაც მოიტანა, ეს არის მშვიდობა, სტაბილურობა და განვითარება ყველა მიმართულებით, იქნებოდა ეს სოფლის მეურნეობა, ეკონომიკა, ადგილობრივი წარმოება, განათლება, სკოლების მშენებლობა, ბაღების რეაბილიტაცია, თუ ჯანმრთელობის მიმართულებით ჩვენს მიერ გადადგმული ნაბიჯები.
არაერთი პროგრამა, რომელიც განხორციელდა სოფლის მეურნეობის მიმართულებით, იქნებოდა ეს იაფიანი აგროკრედიტი, „აწარმოე საქართველოში“, „დანერგე მომავალი“ და ა.შ. რა თქმა უნდა, დღეს ქვეყანაში კიდევ რჩება ბევრი მოუგვარებელი პრობლემა. დავდივართ რა რეგიონებში, ჩვენ ვისმენთ მოსახლეობის განწყობებს. მანამდეც, ჩვენ გვაქვს ინფორმაციები.
3 000-ზე მეტ სოფელს ჯერ კიდევ არ მიეწოდება ხარისხიანი სასმელი წყალი. მიუხედავად იმისა, რომ ჩვენ ძალიან ბევრი გზა დავაგეთ, რეაბილიტაცია ჩაუტარდა ათასობით კილომეტრ გზას, რომელიც მანამდე მივიწყებული ჰქონდა წინა ხელისუფლებას და არავის გახსენებია. საკმარისია, აღინიშნოს ის, რომ 150 კილომეტრი მაგისტრალური გზა დავაგეთ. ის, ვინც მოგზაურობს დასავლეთის მიმართულებით და რიკოთის მონაკვეთს გაივლის, ნახავს, რომ მართლაც, მასშტაბური, საუკუნის პროექტი მიმდინარეობს – რამდენიმე ათეული გვირაბი და ხიდის შენდება. 2 850 კილომეტრი სიგრძის ახალი გზისა და ხიდების რეაბილიტაცია მოხდა ამ წლების განმავლობაში. ჯამში, 7 000 კილომეტრ გზას ჩაუტარდა რეაბილიტაცია. წლების განმავლობაში ჩვენ ძალიან მნიშვნელოვანი პროექტები განვახორციელეთ, მათ შორის, საგარეჯოში. განხორციელდა ძალიან ბევრი პროექტი, რომელიც ეხება გზების მოწესრიგებას.
ვიცი, რომ რამდენიმე სოფელში წყლის პრობლემა გამოწვევად რჩება. ჩვენ ამაზე ვმუშაობთ და ეს პროექტი 2-3 წელიწადში დასრულდება. საგარეჯო და საგარეჯოს სოფლები 2023 წლისთვის წყლით სრულად იქნება უზრუნველყოფილი.
გაზიფიცირება არა მხოლოდ აქ, არამედ მთელს ქვეყანაში პრობლემაა და ამ მიმართულებით გადავდგით ნაბიჯები და გვაქვს გარკვეული პროგრესი“, – განაცხადა ირაკლი ღარიბაშვილმა.