მადლობა ყველა იმ თბილისელს, ვისაც ჩემი ნდობა და იმედი აქვს, – ასე გამოეხმაურა თბილისის მერი კახა კალაძე „ქართული ოცნების“ მიერ ჩატარებულ სოციოლოგიური კვლევის შედეგებს, რომლის მიხედვითაც გამოკითხულთა 60,1% მხარს კახა კალაძეს უჭერს.
თბილისის მერმა ტელეკომპანია „იმედის“ ეთერში კიდევ ერთხელ გადაუხადა მადლობა თბილისელებს და პირობა დადო, რომ მომდევნო 4 წლის მანძილზე დედაქალაქის განვითარებისთვის კიდევ უფრო მეტი გაკეთდება.
„პირველ რიგში, მადლობა ყველა იმ თბილისელს, რომელსაც ჩემი იმედი აქვს და იმ გუნდის, რომელსაც მე წარმოვადგენ – „ქართულ ოცნება დემოკრატიულ საქართველოს“. ჩვენ ბოლო ოთხი წლის განმავლობაში ქალაქისთვის ბევრი სასიკეთო საქმე გავაკეთეთ და მომავალშიც 24-საათაინ რეჟიმში ვიმუშავებთ იმისთვის, რომ თბილისი იყოს მეტად მწვანე, მოწესრიგებული, განახლებული ტრანსპორტით. ყველა უბანში უნდა შევიტანოთ მეტი სიცოცხლე. ეს ძალიან დასაფასებელია. პირობას გაძლევთ, მიუხედავად განსხვავებული შეხედულებებისა, კიდევ უფრო მეტს ვიშრომებთ იმისთვის, რომ ჩვენ მიერ განხორციელებული პროექტებით ყველამ იამაყოს“, – აღნიშნა კახა კალაძემ.