წყალტუბოში, ახალაშენებულ კორპუსებში ბინები 420 იძულებით გადაადგილებულ ოჯახს გადაეცემა, – ამის შესახებ ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს.
„ბინების გადაცემის შემდეგ, წყალტუბოში დევნილთა საცხოვრებელი ყველა ყოფილი სანატორიუმის შენობა იხურება. დღეს, საცხოვრებელი ფართები კენჭისყრის პრინციპით განაწილდა. კენჭისყრის პროცედურის შედეგად, გამოვლინდა, კონკრეტულად რომელ ბინას მიიღებენ დევნილი ოჯახები. ოთახების რაოდენობა ოჯახის სულადობის მიხედვით განისაზღვრება. იძულებით გადაადგილებულ ოჯახებს ახალი ბინების გასაღები უახლოეს დღეებში გადაეცემათ“, – აცხადებენ სააგენტოში.
კომენტარები