ჩემი შემოთავაზებაა, დაიწყოს საქართველოში დიდი შერიგების დასაწყისი – ეს თქვენც გჭირდებათ, – ასე მიმართა პარტია „კანონი და სამართლიანობის“ ლიდერმა თაკო ჩარკვიანმა მმართველ გუნდს პარლამენტში გამართულ ბრიფინგზე, სადაც მიხეილ სააკაშვილის ჩამოსვლასთან დაკავშირებით ისაუბრა.
„საქართველოს მოსახლეობის 30 პროცენტს და სხვებსაც, ვინც არ შედის ამ 30 პროცენტში, უნდათ, რომ ეს რეისი მშვიდობიანად დასრულდეს. მინდა, მივმართო ირაკლი ღარიბაშვილს, ვახტანგ გომელაურს, რომელთანაც შეხვედრა გვინდა. ეს შეხვედრა კარგი იქნებოდა დელეგაციის სახით. ეს მხოლოდ ჭირისუფლური საუბარი იქნება და ვფიქრობ, სახელმწიფოებრივად მოაზროვნეობა მათ მართებთ, რადგან საქართველო არის ძალიან დიდი გადაწყვეტილების წინაშე. ვიღაც არ ჩამოდის, ჩამოდის ყოფილი პრეზიდენტი, რომელსაც სახელმწიფოს შენებაში დიდი წვლილი აქვს შეტანილი.
დაჭერის შემთხვევაში, მე პირადად გარანტიას გაძლევთ, ზუსტად ისე, როგორც არ მიკითხავს ოპოზიციისთვის, მოძრაობა „სააკაშვილის დასაბრუნებლად“ კვლავ გააგრძელებს ბრძოლას უმწვავესად, მოსვენებას არ მოგცემთ კანონის და სამართლის ფარგლებში. ჩემი შემოთავაზება ასეთია, დაიწყოს საქართველოში დიდი შერიგების დასაწყისი, ეს თქვენც გჭირდებათ, იფიქრეთ სამომავლოდ“, – განაცხადა თაკო ჩარკვიანმა.