„ქართული ოცნების“ თავმჯდომარის, ირაკლი კობახიძის განცხადებით, საქართველოს მასშტაბით, 64 მუნიციპალიტეტიდან 44-ში, „ქართულმა ოცნებამ“ არჩევნები პირველივე ტურში მოიგო. მისივე თქმით, განსაკუთრებით საწყენია, რომ დანარჩენ 20 მუნიციპალიტეტს შორის თბილისიცაა.
„ჩვენთვის განსაკუთრებით საწყენია, რომ თბილისში მეორე ტურის ჩატარება გახდა საჭირო, თუმცა, ბუნებრივია, ეჭვი არავის გვეპარება, რომ კახა კალაძე, საბოლოოდ, ამ არჩევნებს მოიგებს. ძალიან მნიშვნელოვანია, რომ მას ეყოლება მყარი უმრავლესობა თბილისის საკრებულოში, მომდევნო 4 წლის განმავლობაშიც“, – აღნიშნა ირაკლი კობახიძემ.
მისი თქმით, თბილისის საკრებულოში, „ქართული ოცნება“, სულ მცირე, 29 წევრით იქნება წარდგენილი.
თბილისის საკრებულოში, უმრავლესობის მოპოვებას 26 წევრი სჭირდება.
კომენტარები