ბათუმის ღვთისმშობლის სახელობის საკათედრო ტაძარში, 26 მაისის ქუჩაზე, კორპუსის ჩამონგრევის შედეგად დაღუპულთა სამოქალაქო პანაშვიდი მიმდინარეობს. პანაშვიდს ესწრებიან საქართველოს პრემიერ-მინისტრის ირაკლი ღარიბაშვილი, პარლამენტის თავმჯდომარე კახა კუჭავა, აჭარის მთავრობის თავმჯდომარე თორნიკე რიჟვაძე და მინისტრთა კაბინეტის წევრები.
ბათუმში, 26 მაისის ქუჩაზე, 13 ნომერი კორპუსის ერთი სადარბაზო 8 ოქტომბერს, დაახლოებით, 12:00 საათზე ჩამოინგრა. სამაშველო ოპერაციის შედეგად, მაშველებმა ნანგრევებიდან 10 ადამიანის ამოყვანა შეძლეს, რომელთაგან 8 უკვე გარდაცვლილი იყო, ერთი ადამიანი საავადმყოფოში გარდაიცვალა. ერთი ადამიანი ამ დრომდე ექიმების მეთვალყურეობის ქვეშ რჩება – ზვიად თავდგირიძე ერთადერთია, რომელიც ნგრევის დროს კორპუსში იყო და გადარჩა. ის ხელოვნური ვენტილაციიდან მოიხსნა და დადებითი დინამიკა აქვს.