ნაძალადევის რაიონში, სანზონის დასახლებაში, N19 და N20 კორპუსებს შორის 5 100 კვ.მ ფართობზე დასასვენებელი სივრცის მოწყობა და სპორტული მოედნის რეაბილიტაცია მიმდინარეობს. აღნიშნულ ტერიტორიაზე ამორტიზებული სკვერი და დაზიანებული ფეხბურთის მოედანი იყო.
პროექტის ფარგლებში, სპორტულ მოედანს სრული რეკონსტრუქცია უტარდება. დასასვენებელ სივრცეში გარე განათების ქსელის, სარწყავი სისტემისა და ბილიკების მოწყობა მიმდინარეობს. სკვერში საპარკე ინფრასტრუქტურა, ატრაქციონები და ფანჩატური დამონტაჟდება. ასევე, გამწვანების სამუშაოები შესრულდება – 684 ძირი ხე-მცენარე დაირგვება და ბალახის საფარი დაიგება.
პროექტის ღირებულება 778 887 ლარია. დასასვენებელი და სპორტული სივრცის მოწყობა ნაძალადევის რაიონის გამგეობის დაფინანსებით ხორციელდება.
კომენტარები