ხმაური და დაპირისპირება სამეგრელოში. დღეს გამთენიისას მარტვილის და ჭყონდიდის ეპარქიაში სალხინოს მამათა მონასტრიდან და სხვა მონასტრებიდან განკვეთილი სასულიერო პირების გამოსახლება დაიწყო.
განკვეთილი მამაოების ნაწილი დაკავებულია და გადაყვანილია პოლიციის განყოფილებაში.
ცნობისათვის, ჭყონდიდის ეპარქიის მიტროპოლიტ მეუფე სტეფანეს მიერ განყენებულმა ბერებმა რამდენიმე დღის წინ საპატრიარქოდან მიიღეს წერილი.
წერილის თანახმად, განყენებულ ბერებ სამონასტრო კომპლექსები 4 ნოემბრამდე უნდა დაეტოვებინათ. ხოლო, თუ საპატრიარქოს მოთხოვნა არ შესრულდებოდა, ბერებს სამონასტრო კომპლექსს პოლიციის ძალით დაატოვებინებდნენ.
ჭყონდიდის ეპარქიის მიტროპოლიტმა, მეუფე სტეფანემ, 10-მდე სასულიერო პირი სამონაზვნო და სასულიერო დასიდან 19 სექტემბერს განკვეთა. ამის მიზეზად მეუფე სტეფანებ ბერების მხრიდან საეკლესიო კანონების დარღვევა დაასახელა, მისი თქმით, ბერები ცდილობდნენ ეკლესიაში შუღლის შეტანას, აქეზებდნენ სხვა პირებს და ეწინააღმდეგებოდნენ პატრიარქს.