პარტია „ლელო საქართველოსთვის“ ლიდერის მამუკა ხაზარაძის მიერ გაკეთებულ განცხადებას, რომ მას თემურ ჭყონია, „წალენჯიხაში წაყოლას დაჰპირდა“, თავად თემურ ჭყონია ეხმიანება და აცხადებს, რომ „მან ხაზარაძეს, როგორც მეგობარს ისე მისწერა და არ იცოდა თუ აივანზე გადმოდგებოდა და მთელს მსოფლიოს თუ მოდებდა?! ამის შესახებ“.
“მესიჯი გავუგზავნე, კაცო. რა ვიცოდი, მთელს მსოფლიოს თუ მოდებდა?! მესიჯი გავუგზავნე, რომ მერი რომ დაიწყებს მუშაობას, ვაპირებ ჩასვლას-თქო. მამუკა ჩემი მეგობარია და ჩვეულებრივ, როგორც მეგობარს მივწერე. რა ვიცოდი, ახლა აივანზე თუ გადმოდგებოდა?!
ჩემს თავს დავუსვი კითხვა, რადგანაც წალენჯიხაში ვინაიდან მერი ასეთი აქტიური სპორტსმენია, შეიძლება თუ არა რაიმეს გაკეთება და შედეგის მიღება. ვისაც ეს საკითხი პოლიტიკურ ქვეტექსტში გადაჰყავს, არის ჩამორჩენილობის ყველაზე დიდი დოზა“, – განაცხადა თემურ ჭყონიამ.