მიხეილ სააკაშვილის პირადი ექიმის განცხადებით, ექიმთა კონსილიუმმა ყოფილი პრეზიდენტის სამოქალაქო კლინიკაში გადაყვანის გადაწყვეტილება ერთხმად მიიღო. ნიკოლოზ ყიფშიძე ამბობს, რომ სააკაშვილი კონსილიუმს პირადად არ შეხვედრია და სპეციალისტებმა გადაწყვეტილება სამედიცინო გამოკვლევების შედეგად მიიღეს.
„კონსილიუმი გვქონდა და კონსილიუმმა ერთხმად მიიღო გადაწყვეტილება, რომ ავადმყოფი გადაყვანილ იქნეს გადაუდებლად მაღალპროფილურ სამედიცინო დაწესებულებაში – გლდანი არ წერია, მაღალპროფილურ სამოქალაქო დაწესებულებაში. ზოგი მონაცემი კარგი იყო, ზოგი – ცუდი, მდგომარეობა უფრო ცუდია, გუშინდელთან შედარებით“, – განაცხადა ყიფშიძემ.
კომენტარები