ოპოზიციის აქციაზე ჟურნალისტი ნანუკა ჟორჟოლიანი სიტყვით გამოვიდა, საიდანაც ადამიანებს მოუწოდა არსებულ პოლიტიკურ ვითარებაში თავიანთი პოზიცია დააფიქსირონ. ჟორჟოლიანმა ერთ-ერთ მწერალსაც მიმართა, რომელმაც 2012 წელს „სხვაგვარი პროტესტი გამოხატა“ და მოუწოდა რომ საკუთარი პოზიცია ახლაც დააფიქსიროს.
„მინდა მივმართო ადამიანებს, რომლებიც ჩუმად არიან, რომლებსაც პოზიცია არ აქვთ, რომლებიც დუმილს ირჩევენ. გასაგებია რას იტყვის ისტორია ქართული ოცნების ამომრჩევლებზე, მათ მხარდამჭერებზე, ლიდერებზე. გასაგებია როგორც შეგვაფასებს დრო ჩვენ, მიშასაც… აქეთ მდგომებს…ისტორია რას იტყვის თქვენზე.
მოგმართავთ ყველას, ვისაც ამდენი ხნის განმავლობაში არც პროტესტი, არც განცხადება არ გაგიკეთებიათ. მათ შორის ისეთი ადამიანებიც, რომლებსაც პირადად ვიცნობ. მივმართავ ერთ-ერთ მწერალს, რომლის პროტესტიც 2012 წელს იყო სხვაგვარი! სად ხარ დღეს? დღეს რატომ ხარ ჩუმად? მაინტერესებს წლების შემდეგ რას იტყვი, რომ სად იყავი, ან რა პოზიცია გქონდა, რომელსაც მე პირადად ვარქმევ კომფორმიზმს. მინდა ვკითხო ამ ადამიანებს როგორ ახსნიან? იყვნენ მაგრამ არ იყვნენ?
რა უნდა მოხდეს? ერთ დღეს უნდა გავიღვიძოთ, ბრიფინგი ჩაგვიტარონ, რომ მიხეილ სააკაშვილი ცოცხალი აღარ არის? მართლა მაინტერესებს ამას ველოდებით?
ერთადერთ რამეს გთხოვთ „მოითხოვეთ არა კაც-კლა“, – განაცხადა ნანუკა ჟორჟოლიანმა.