მიხეილ სააკაშვილმა საქართველოში ჩამოსვლის მოტივზე ისაუბრა.
“მე ჩამოვედი იმიტომ რომ ძალიან ბევრი ქართველისგან გამიგია რომ უნდა ჩამოვსულიყავი. ჩემმა 15 წლის ნიკუშამ მითხრა, უნდა დაბრუნდე ან ახლა ან არასდროსო. ასევე სანდრამ მითხრა, რომელთან ერთადაც გავზარდე 2 არაჩვეულებრივი შვილი და რომელსაც ვენდობი.
სანდრას უამრავი კეთილი საქმე აქვს გაკეთებული პატიმრების ჯანდაცვის კუთხით. მაშინ მილიონრები კი არ ვიყავით, 800 დოლარი გვქონდა ხელფასი და 400 იხარჯებოდა ქველმოქმედებაში.
ასევე, მითხრა ჩემთვის უახლოესმა ადამიანმა უკრაინაში, რომელმაც მითხრა ახლა თუ არ ჩავალთ ე.ი. ჩვენს სამშობლოს ვკარგავთო. მისთვის ალბათ ძვირფასი ადამიანი ვარ და გასამეტებლად არ ვუნდოდი. დედაჩემმა მითხრა, როგორც დედას არ მინდა თავი საფრთხეში ჩაიგდო, მაგრამ როგორც საქართველოს პატრიოტს ვთვლი, რომ მე არ ვარ მხოლოდ დედა და ახლა რაღაც უნდა ვქნათ” – განაცხადა სააკაშვილმა.