მერაბ რატიშვილი სოციალურ ქსელში პოსტს აქვეყნებს.
“სააკაშვილის საქმის მოსამართლე ლია ორკოდაშვილი, სააპელაციო სასამართლოში ჩემი მოსამართლე იყო. მან ცხრაწლიანი უკანონო პატიმრობა დამიტოვა.
სასამართლო სხდომების დროს ის თვალებში ვერ მიყურებდა, მუდმივად თავჩარგული იჯდა. მან ხომ კარგად იცოდა, რომ რაც ხდებოდა, არ იყო სასამართლო.
შეიძლება მაშინ, ჯერ კიდევ ჰქონდა სირცხვილის გრძნობა, მაგრამ ახლა ის უვადო მოსამართლეა, ამიტომ სირცხვილი, მორალური სიმძიმე და ზნეობრივი ნორმები აღარ აწუხებს.
ის იყო და არის სააკაშვილის მოსამართლე, რომელსაც კაბინეტში მიშას სურათი ეკიდა. “მოსამართლე” ლია ორკოდაშვილს მე არ ვენდობი და აცილებას ვაძლევ!
“მადლობა” იმათ, ვინც ორკოდაშვილის და მსგავსი “მოსამართლეების” გადარჩენისთვის და უვადო მოსამართლეებად არჩევისათვის იზრუნეს. განსაკუთრებული მადლობა “ქართულ ოცნებას” იმ დაუსრულებელი ქაოსისთვის, რაც დღეს საქართველოში ხდება!”